“O traballo de script nas rodaxes”, webinario de AGAPI IMPULSA COPROS 4, da man de Alba Gallego
AGAPI IMPULSA COPROS 4, o programa de asesoría personalizada de proxectos da Asociación Galega de Produtoras Independentes, acolle o día 4 de setembro o terceiro dos webinarios da edición.
Nesta ocasión contamos coa recoñecida profesional Alba Gallego, da nosa productora asociada Kraken Media. A súa experiencia como script comeza en 2013 na serie “Luci”, producida por Portocabo, e dende entón traballou en series como “Rapa”, “Marbella”, “Weiss & Morales”, “La Unidad”, “Néboa”… e longametraxes como “Ons”, de Alfonso Zarauza, “Fatum” de Juan Galiñanes, ou “Jacinto” de Javi Camino. Converténdose nunha referente no sector audiovisual galego e estatal.
O webinario terá lugar o xoves 4 de setembro de 2025 ás 11h, vía Zoom. E está destinado aos creadores/as de AGAPI IMPULSA COPROS 4, así como aos socios/as de AGAPI.
