Premio de Honra Dolores Ben
AGAPI (Asociación Galega de Produtoras Independentes) acordou en 2021 crear o Premio de Honra Dolores Ben para manter viva a súa memoria e recoñecer as persoas e institucións que encarnan os valores de loita e defensa do ben común que ela mesma representaba.
Dolores Ben foi presidenta da Asociación Galega de Produtoras Independentes (AGAPI) entre os anos 2007 e 2019, dando exemplo de traballo e integridade. Muller rexa, loitadora e imprescindíbel no panorama cultural galego e estatal, contribuíu coa súa dedicación e esforzo a construír un horizonte sólido de futuro audiovisual.
Ata o momento foron premiadas en edicións anteriores a poetisa e xornalista cultural Ana Romaní (I Premio Dolores Ben, 2022), a xornalista Tareixa Navaza (II Premio Dolores Ben, 2023), tradutora e lingüista Rosa Moledo (III Premio Dolores Ben, 2024) e a produtora de cinema Fernanda del Nido (IV Premio Dolores Ben, 2025)
