O 21 de outubro chega aos cinemas ‘Unicorn Wars’, a nova película de animación do galego Alberto Vázquez, producida por Abano Producións (Chelo Loureiro).
Logo do seu exitoso paso por prestixiosos festivais como Annecy ou o Festival de Sitges, a película chega ás salas de toda España o vindeiro venres. Cualificada para maiores de 16 anos o filme supón unha oportunidade para reflexionar sobre a guerra en tempos de guerra.
“É unha mestura de Apocalypse Now, Bambi e a Biblia, ten aspectos das tres. Pero tamén digo que a película parte do xénero bélico pero atopa a súa propia linguaxe”, explica o director. “A crítica e o público estánnos apoiando, así que seguiremos facendo animación a agardamos que se sume máis xente”, engade a productora Chelo Loureiro.
