Agapi (Asociación Galega de Produtoras Independentes) reforza a súa presencia en youtube con unha canle de contidos audiovisuais.
A canle AGAPI_COMUNICA pon a disposición dos usuarios un total 20 xornadas formativas agrupadas en listas temáticas sobre ‘Financiamento e xestión de proxectos no audiovisual‘, ‘Coprodución e mercado internacional‘, ‘Audiovisual e educación‘ e ‘Dereitos dos proxectos audiovisuais‘. Todas estas formacións leváronse adiante nos últimos meses impulsadas pola Asociación en formato en liña.
Esta posta a disposición pública e gratuíta das conferencias e xornadas celebradas por AGAPI ten como obxectivo aumentar a accesibilidade e contribuír na divulgación do coñecemento por parte de profesionais de recoñecido prestixio.
A idea desde a Asociación é seguir ampliando este repositorio con novos materiais que permitan a actualización de contidos tan necesaria nun sector tan vivo como é o audiovisual.
