O vindeiro xoves, día 23, comeza o “Roteiro Elas, produtoras executivas” na provincia de Pontevedra. Unha actividade organizada pola Asociación Galega de Produtoras Audiovisuais (AGAPI), coa colaboración do Servizo de Igualdade da Deputación de Pontevedra. Esta actividade ten como finalidade potenciar o papel capital que teñen as mulleres na produción audiovisual.
A primeira cita será no IES Valle Inclán da mesma cidade de Pontevedra, ás 10h., acompañados por Alba Prol, que con Raúl García, forma parte da empresa Meteórica Cine. Seguiremos anunciando novas datas moi pronto.