‘Filmei Paxaros Voando’, o debut intimista da cineasta Zeltia Outeiriño segue o seu camiño polas salas de Galicia.
Despois dunha estrea o día 31 en A Coruña, con presencia do equipo, o filme documental esgotou as entradas para o seu primeiro pase en Vigo, o pasado domingo 2 de febreiro. A directora Zeltia Outeiriño presentou a obra nunha cidade moi especial na súa historia, que a recibiu con entusiasmo e cariño. ‘Filmei Paxaros Voando’ poderase volver a ver na cidade os días 16, 17 e 18 de febreiro, no Muticines Norte.
Esta semana o filme documental chega ás salas de Lugo (6 de febreiro) e A Estrada (7 de febreiro), con presentación e coloquio coa productora Silvia Fuentes. En Santiago de Compostela (8 de febreiro) e Ferrol (9 de febreiro) a directora Zeltia Outeiriño será a encargada de presentar a obra ao público, e contará con coloquio ao rematar. Ademáis, o luns 10 de febreiro será a quenda de Ourense, un lugar moi relevante para Outeiriño xa que rodou na aldea de Bentraces parte do filme.
O filme documental, unha historia íntima sobre o desarraigo a través da historia familiar da directora, xa emocionou ao público no festival Cineuropa e no Festival L’Alternativa de Barcelona, onde recibiu unha mención especial na categoría Premio Film Nacional.
‘Filmei Paxaros Voando’ é un delicado debut no que a cineasta reflexiona sobre o desarraigo, os coidados e a súa historia familiar. Outeiriño, que vive desde fai anos en Barcelona, regresou a Galicia para filmar este proxecto, unha logametraxe documental que toma como punto de partida recuperar a memoria do seu tío, o ourensán Antonio Outeiriño, artesán téxtil. Neste camiño encóntrase coa súa nai Socorro, unha muller moi diferente a ela que mostra a súa faceta máis artística a través da música – Socorro foi directora do coro do Centro Cívico de Coia-. O empeoramento na súa saúde abre un novo camiño de amor e coidados entre elas.
O documental poderase ver en:
- Lugo – Códex Cinemas. Xoves 6 de febreiro – con presencia do equipo
- A Estrada – Venres 7 de febreiro ás 19:00 – con presencia do equipo
- Santiago de Compostela – Cine Numax. Sábado 8 de febreiro ás 19:40 – con presencia da directora
- Ferrol – Cine Dúplex- Domingo 9 de febreiro ás 17:30 – con presencia da directora
- Ourense – Cineclube Padre Feijoo – Luns 10 de febreiro ás 20:30 – con presencia da directora
- Vigo – Multicines Norte – 16 de febreiro ás 17:30 con presencia da directora e días 17 e 18 (horario por confirmar)
É unha coproducción de Ringo Media e Sétima, un proxecto que a autora comenzou a desenvolver tras o seu paso polo máster de Documental Creativo da Universidad Pompeu Fabra e pasou polas iniciativas L’Alternativa Mentoring (2020), Novos Cinemas Lab (2020), Coming Soon Play Doc (2021), Acció Viver – Dones Visuals (2022), Vilnius Coming Soon (2023), Porto/Post/Doc: Film & Media Festival (2023).
