‘As liñas descontinuas’ (Anxos Fazáns), producida pola nosa asociada Sétima, multipremiada no Festival Internacional de Cine de Xixón
Tras a súa estrea mundial no Tallinn Black Nights Festival (PÖFF), a nova película da cineasta Anxos Fazáns, ‘As liñas descontinuas’, tivo a súa premiere estatal no FICX Festival Internacional de Cine de Xixón. O filme, da nosa produtora asociada Sétima , fíxose con dous galardóns no certame asturiano: Premio DAMA ao Mellor Guión de película española e Premio RAMBAL de XEGA (Asoaciación LGTBI+ asturiana), pola súa clara aposta pola diversidade.
A estrea galega de ‘As liñas descontinuas’ terá lugar o vindeiro 9 de decembro no Festival Internacional de Cinema de Pontevedra, NOVOS CINEMAS. Onde será a encargada de inaugurar a décima edición do festival. Fazáns será a autora ademais da cabeceira do certame neste 2025, onde tamén está a impartir o obradoiro O cine dende os corpos, en colaboración coa Universidade de Vigo.
