Arrinca o curso de Produción Executiva Avanzada organizado por Agapi e OFF ESCAC
AGAPI Asociación Galega de Produtoras Independentes e OFF ESCAC, a Escola de Oficios da Escola Superior de Cinema i Audiovisuals de Catalunya, únense unha vez máis para a organización dun curso de Produción Executiva Avanzada.
O curso celebrarase en formato presencial na sede da SGAE en Santiago de Compostela e terá lugar os días 20, 21, 22, 23, 29 e 30 de outubro, cun total de 45h de duración. O curso está conformado por tres bloques de contidos, impartidos polos profesionais Rodolphe Sanzé, Sandra Tapia e Noemí Cuetos.
O curso estrutúrase en tres bloques de contidos e está dirixido aos produtores das empresas asociadas a AGAPI, que cubriron as 20 prazas dispoñibles.
–Bloque 1: Posicionamento Estratéxico do Produtor Executivo, impartido por Rodolphe Sanzé.
-Bloque 2: Financiamento e Modelos de Empresa, impartido por Sandra Tapia.
-Bloque 3: Posicionamento e Mercados, impartido por Noemí Cuetos.
