O filme ‘La isla de las mentiras’, producido por Agallas Films e dirixido por Paula Cons, estrearase o 14 de maio en Arxentina na plataforma do INCAA (Instituto Nacional de Cine e Artes Audiovisuais).

Sinopse: A madrugada do 2 de xaneiro de 1921, no medio dunha espesa néboa o vapor Santa Isabel, con 260 emigrantes con destino Buenos Aires, afundiuse fronte á escarpada e dura costa da illa de Sálvora. Esa noite non había homes na illa, estaban a celebrar o Nadal en terra firme. A única esperanza dos sobreviventes que loitaban por non estrelarse contra as rocas eran as poucas mulleres, vellos e nenos que vivían neste lugar. Tres novos insulares, María ( Nerea Barros), Josefa (Vitoria Teijeiro) e Cipriana (Ana Oca), deciden lanzarse ao mar nunha pequena embarcación tradicional. Remando só de oído, debido á espesa néboa e á noite pechada, logran salvar a 50 persoas. Todo o que ocorre desde esa noite vai sacudir e cambiar para sempre a esta illa. Un xornalista arxentino, León (Darío Grandinetti), acode a Sálvora para cubrir a noticia do naufraxio. Pero aos poucos comproba que esa noite sucederon demasiadas terribles “casualidades” na illa. Son moitas as incógnitas que hai que resolver…