O Consello da Cultura Galega organiza o vindeiro día 4 de abril unhas xornadas sobre ‘Cine e educación: experiencias de Galicia e Portugal’ que pretenden visibilizar e difundir dinámicas consolidadas de pedagoxía do cine nas aulas galegas, da primaria á universidade; tender pontes entre ensino e audiovisual profesional, grazas á perspectiva de institucións como a Filmoteca de Galicia, o Consello da Cultura ou a Agadic; e facer un intercambio con prácticas de Portugal.
