‘Tres’ acada dous premios nos Festivais de Sitges e Abycine

‘Tres’ acada dous premios nos Festivais de Sitges e Abycine

Tras o seu paso polos festivais de Venecia e Toronto, a película ‘Tres’ dirixida por Juanjo Jiménez, vén de acadar dous premios: Premio Méliès d’Argent á Mellor Película no Festival de Cine de Sitges e Premio Película Joven no Festival Internacional de Cine de Albacete Abycine 2021.

Tres está protagonizada por ‘ C’, Marta Nieto (‘Madre’), que ofrece unha das interpretacións do ano. O seu personaxe é unha deseñadora de son que pasa demasiadas horas gravando, editando e mesturando efectos. Demasiadas horas soa no estudo illada de calquera tipo de relación cos seus. Un día decátase de que ela mesma está a empezar a desincronizarse. Os sons chéganlle máis tarde que as imaxes. ‘ C’ tentará desesperadamente descubrir que se esconde tras esa misteriosa e ameazante asincronía. No seu camiño cruzarase con Iván, Miki Esparbé (‘Reyes de la noche’), quen lle axudará nesa procura que transformará Tres nun fascinante e sorprendente thriller con ecos de Sound of metal e Berberian Sound Studio.

O filme chegará ás salas de cinema o 5 de novembro da man de Filmax.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies