Os Premios Feroz 2021 veñen de anunciar os dez títulos que compiten polo Premio Especial e o de Mellor Documental. Entre os títulos anunciados encóntranse dous filmes de produción galega. Trátase de ‘A media voz’, de Heidi Hassan e Patricia Pérez, producida por Matriuska Films, e ‘Lúa vermella’ de Lois Patiño, producida por Zeitun Films en coprodución con Amanita Studio están nomeadas a Mellor Documental e ao Premio Especial respectivamente dos Premios Feroz.

Os Premios Feroz son uns premios cinematográficos e televisivos españois, creados no mes de novembro de 2013 pola Asociación de Informadores Cinematográficos de España con carácter anual para recoñecer o mérito e calidade das producións cinematográficas españolas. A longametraxe gañadora de ambas as categorías anunciarase, xunto ao resto de galardóns, durante a gala que se celebrará o próximo 8 de febreiro en Alcobendas.