Portocabo producirá a primeira serie infantil propia de imaxe real para Clan (RTVE)

Portocabo producirá a primeira serie infantil propia de imaxe real para Clan (RTVE)

RTVE e Portocabo asinaron un acordo para coproducir ‘Argonautas’, a súa primeira serie infantil de imaxe real para a canle Clan. Televisión Española anunciouno nunha nota de prensa como ‘un paso máis de RTVE no seu obxectivo de descentralizar a produción e explorar novas vías de coprodución’. A serie contará co apoio de AGADIC (Xunta de Galicia) e rodarase este verán na cidade da Coruña e en Laxe.

Yago Fandiño, director de Contidos Infantís de RTVE e Clan destacou o interese da Corporación por realizar este tipo de producións: historias orixinais, rodadas en España; series que achegan un punto de vista fresco e representan valores propios dunha televisión pública. A serie, producida en Galicia, segue a estratexia da canle por abrir o abano a novas producións en diferentes rexións, que a Corporación emprendeu nos últimos anos. Neste caso trátase de buscar outros camiños para a produción de series infantís españolas por parte de RTVE.

O proxecto foi presentado o pasado venres 6 de maio no Museo de Belas Artes da Coruña polo propio Fandiño, Alfonso Blanco, CEO de Portocabo e produtor executivo da serie; Román Rodríguez, conselleiro en funcións de Cultura e Educación da Xunta de Galicia; Jacobo Sutil, director de AGADIC (Axencia Galega das Industrias Culturais); José Luis Pérez Añón, alcalde de Laxe, e Jesús Celemín, concelleiro de Educación, Memoria Histórica, Innovación, Industria e Emprego do Concello da Coruña.

Alfonso Blanco expuxo o interese da produtora por producir series infanto-xuvenís en imaxe real, un formato con escasa presenza no mercado español pero que ten un enorme potencial e xa levantou interese en grandes distribuidores a nivel mundial. Ter unha oportunidade como Argonautas’ creada e producida desde Galicia é un logro da produtora, afirma Blanco, que vén de producir series como ‘The Avatars’ e ‘Miracle Tunes’, dúas series infantís de imaxe real de gran repercusión.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies