A película ‘Eles transportan a morte’, dirixida por Helena Girón e Samuel M. Delgado e producida por Filmika Galaika, que tivo a súa premiere no Festival de Venecia, chega hoxe ás salas comerciais.
Este filme galego ambientado en 1942 e definido como unha mestura de «relato clásico de aventuras cun discurso crítico sobre a colonización» está protagonizado por Nuria Lestegás ( Longa noite), Sara Ferro, Xoán Reices, Valentín Estévez, David Pantaleón (Blanco en branco) e Josefa Rita Míguez Cal protagonizan a película.
‘Eles transportan a morte’ gañou unha Mención Especial na Sección Zabaltegui- Tabakalera no Festival de Cinema de San Sebastián e o Premio á Mellor Contribución Técnica da Semana Internacional da Crítica, sección autónoma do Festival de Cinema de Venecia. Tamén foi Premio á Mellor Dirección, Mellor Música e Deseño de Son no Festival Cinespaña de Toulouse, Premio á Mellor Contribución Artística (no apartado de Fotografía) no Festival de Cinema do Cairo, Premio Xacobeo no Festival de Ourense e Premio á Mellor Película no Festival de Cinema de Pontevedra Novos Cinemas.
