‘Outono’ (Indígena Films) primeira longametraxe da cineasta cubana Giselle Llanio a piques de rematar a súa rodaxe
A provincia da Coruña foi está sendo o escenario de rodaxe de ‘Outono’ primeira longametraxe da cineasta cubana Giselle Llanio. Producida pola nosa asociada Indígena Films xunto con Aquí y Allí Films e 3040 Cine, a película narra a historia de Soledad (Carmen Méndez), unha exitosa deseñadora de moda de Santiago de Compostela que vive atrapada entre un mundo de apariencias e profunda insatisfacción vital. Incapaz de reconciliarse coa súa historia familiar, Soledad recolle un can sen dono, co que desenvolve un vínculo inesperado e transcendental na súa toma de decisións.
O Goberno galego apoia este proxecto cunha achega de 280.000 euros a través das subvencións ao sector audiovisual. Que conta no reparto con Carmen Méndez, Santi Prego, Carlos Blanco, Iolanda Muíños, Fran Lareu e Melania Cruz.
