O pasado sábado 13 de novembro tivo lugar a gala de entrega dos Premios da Crítica dos anos 2020 e 2021. Por mor da pandemia da covid, o pasado ano non se puido celebrar a entrega presencial dos galardóns.
Na categoría de Cine e artes audiovisuais 2020 foi recoñecida a figura de Oliver Laxe polo seu filme ‘O que arde’, entre os finalistas dese ano estaban: Arima (filme de Jaione Camborda), Ghaleb Martínez, Jorge Coira e O que arde (filme de Óliver Laxe). O xurado estivo conformado por: Uxía Caride, xerente de AGAPI e profesora USC; Antonio Duran «Morris», actor; María Mera, actriz; Rubén Ríos, actor e director; Ramón Rozas, crítico e xornalista de Diario de Pontevedra; Xosé Manuel Sande, programador do CGAI e Ledicia Costas Álvarez, secretaría, en representación de Premios da Crítica de Galicia.
O xurado da XLIV edición dos Premios da Crítica de Galicia da modalidade de Cine e Artes Audiovisuais, formado por Mayka Braña, actriz; Zaza Ceballos, produtora; Pepe Coira, produtor, vicepresidente da AGA; Alfonso Pato, director festival de Cans; María Yáñez, directora da revista dixital Vinte; Alicia Zapatero, realizadora da TVG e Jorge Mira, Secretaría, en representación de Premios da Crítica de Galicia, acordou entre as propostas presentadas declarar finalistas a Margarita Ledo, Alfonso Zarauza, Chelo Loureiroe Alberte Branco «Bertitxi». Tras as derradeiras deliberacións, acordou outorgar por maioría o premio na categoría de Cine e artes audiovisuais 2021 a Margarita Ledo pola produción, dirección e guión de ‘Nación’.