O Premio El Ojo Crítico de Cine 2015 recaeu no director Dani de la Torre pola súa película EL DESCONOCIDO, producida por Vaca Films. O xurado valorou a súa capacidade visual para narrar un conflito social a través da acción e a intriga.

Dani de la Torre (Monforte de Lemos, Lugo, 1975) estreou no Festival de Cine de San Sebastián EL DESCONOCIDO, un thriller protagonizado por Luis Tosar que supuxo o seu debut no mundo da longametraxe. Sinopse: Carlos, executivo de banca, comeza a súa rutinaria diaria levando ós seus fillos á escola. Cando arrinca o coche, recibe unha chamada anónima que lle anuncia que ten unha bomba debaixo do seu asento. A voz dun descoñecido comunícalle que ten só unhas horas para reunir unha elevada cantidade de diñeiro; se non o consegue, o seu coche voará polos aires.

(Páxina de “El desconocido” en www.vacafilms.com)