O filme ‘Nación’ producido por Nós Produtora Cinematográfica Galega e dirixido por Margarita Ledo terá a súa estrea no Festival de Cinema Europeo de Sevilla.

A peza é un filme de non ficción onde a directora e guionista relata a apertura ao mundo que supuxo para as mulleres en medio de tempos convulsos o acceso ao emprego industrial a través das enérxicas e carismáticas mulleres da fábrica de cerámica de A Pontesa.

Así, na propia descrición da película polo festival de Sevilla indican “Margarita Ledo constrúe un relato emocionante, combativo e poético dunha loita aínda hoxe inconclusa”. A película de Ledo retrata a especia fraxilidade das mulleres nunha clase obreira xa matratada, a partir das experiencias ao longo dos 50 anos dun grupo de mulleres traballadoras na fábrica Pontesa de cerámica (hoxe pechada). A banda sonora foi realizada por Mercedes Peón e o son (directo, montaxe e mistura) correu a cargo da empresa Cinemar FIlms.