Jaione Camborda (Esnatu Zinema) recolleu o Premio Cineuropa da 39º edición do festival
O pasado 14 de novembro, a cineasta Jaione Camborda Coll, da nosa produtora asociada Esnatu Zinema, recolleu no Teatro Principal de Santiago de Compostela o Premio Cineuropa da 39º edición do festival. Un recoñecemento á impecable traxectoria de Camborda, absoluto referente do audiovisual galego e internacional.
José Luis Losa, director do Festival Cineuropa, salientou a súa mirada única como “un cinema orgánico, telúrico e profundamente humano, nacido entre fronteiras e marcado pola sororidade, a fisicidade e o poder do onírico”. Cineuropa afirmou ser unha honra renderlle este tributo á cineasta vasca afincada en Santiago de Compostela, a cal construíu unha obra que é xa esencial no Novo Cinema Galego.
