Pemios Feroz: 5 películas candidatas e 11 nominacións para producións de asociadas de AGAPI

Pemios Feroz: 5 películas candidatas e 11 nominacións para producións de asociadas de AGAPI

Os Premios Feroz, organizados pola crítica cinematográfica estatal, veñen de anunciar o nome dos filmes nominados, nos que se atopan 5 películas producidas por asociadas de AGAPI, as cales suman un total de 11 nominacións.

‘Filmei paxaros voando’, ópera prima da cineasta galega Zeltia Outeiriño, producida pola nosa asociada Sétima, logrou situarse entre as cinco películas finalistas da categoría de Arrebato non ficción. Mentres que ‘Ciudad sin sueño’, dirixida por Guillermo Galoe e producida pola nosa asociada Sintagma Films e ‘Estrany riu’, ópera prima de Jaume Claret Muxart, producida pola nosa asociada miramemira, competirán polo premio á mellor película de Arrebato de ficción. O nome desta categoría rinde homenaxe á longometraxe Arrebato de Iván Zulueta (1979), unha obra vangardista e arriscada, que chegou a ser icónica na historia do cine español.

Finalmente, a película de animación ‘DECORADO’, de Alberto Vázquez, producida pola nosa asociada Abano Producións, opta a facerse co galardón na categoría de mellor película de comedia.