Oliver Laxe (Filmes da Ermida) convértese no sexto director español e o primeiro galego en ser nominado aos Globos de Ouro
O noso asociado Oliver Laxe, da produtora Filmes da Ermida, convértese no sexto director español (e primeiro galego) en ser nominado nos Globos de Ouro. O cineasta galego, nominado con ‘Sirat’ a mellor película de fala non inglesa e mellor música, pasa a formar parte así do selecto clube de directores españois nomiados nestes galardóns. Un fito histórico para o audiovisual galego.
Oliver Laxe: “Foi sen dúbida a miña película máis difícil ata o momento, unha rodaxe extrema en localizacións de Teruel, épicas e fermosas por igual. Pasamos dos varios graos baixo cero das noites de inverno aragonesas á calor extrema do deserto do Sahara en pleno verán. Pero algo desa aventura desproporcionada que houbo detrás da cámara está no filme. ‘Sirat’ é unha película intensa e vertixinosa na que o mineral afiado da paisaxe non deixará indiferente a ningún tipo de espectador”.