Catro producións de asociadas de AGAPI participarán nas seccións competitivas do Festival Internacional de Cine Documenta Madrid
Madrid acollerá do 26 ao 31 de maio o Festival Internacional de Cine Documenta Madrid, no que catro producións de asociadas de AGAPI participarán nas seccións competitivas.
A produtora Filmika Galaika estará presente no certame con dúas das súas producións: ‘As estaçoes‘ de Maureen Fazendeiro na Sección Oficial Internacional e ‘Krakatoa‘ de Carlos Casas na Sección Oficial Nacional. Na competición estatal poderase ver tamén a ópera prima de Adrián Canoura, ‘Fomos ficando sós‘, producida por Zeitun Films. Así ‘Despois das cidades’, último filme do director Xacio Baño producida por Rebordelos.
O festival articula este ano a súa programación en torno ao concepto ‘Tomar el pulso’, unha mirada ao cine directo que reivindica a súa capacidade para rexistrar sen mediacións a realidade contemporánea, captando as súas tensións, conflitos e transformacións en tempo real.
‘