Camiño ao Xacobeo 2027: AGAPI presente no Encontro Empresarial sobre Patrocinios
En AGAPI asistimos este martes 3 de febreiro á presentación do Encontro Empresarial sobre Patrocinios do Xacobeo 2027 organizado pola Xunta de Galicia. O evento, que tivo lugar na Cidade da Cultura de Galicia e que contou coa actuación do dúo Caamaño & Ameixeiras, puxo en valor un novo Plan Director de Patrocinios que agarda activar opcións de participación das empresas, asociacións e institucións a través de actividades e beneficios fiscais. Un marco específico para garantir unha programación con criterios homoxéneos, maior seguridade xurídica e mellor coordinación.
