‘Así chegou a noite’ e ‘Os invitados’, dúas producións de asociadas de AGAPI dentro da sección Made in Spain do 74º Festival de San Sebastián
O Festival de San Sebastián vén de presentar a programación de Made in Spain da súa 74º edición, que será inaugurada con ‘Seize moments de ma vie’, último filme de Albert Serra. A sección adicada ao cine producido en España contará neste con 24 longametraxes, entre as que se atopan dúas producións de empresas asociadas a AGAPI.
Tras a súa estrea mundial no Festival de Cine de Múnich, ‘Os invitados’ dirixida por Cristina Diz e Stefan Butzmühlen e producida por Frida Films, terá a súa estrea en España no Zinemaldi. Protagonizado por Greta Fernández e Jan Bülow, o filme narra a historia dunha parella moza en 1973. Iria é unha traballadora migrante de España; Hajo é un estudante de Alemaña. Cando a nai de Iria enferma terminalmente, deciden deixar Köln e levala de volta a Galicia.
‘Así chegou a noite’, do cineasta galego Ángel Santos, producida por Maruxiña Film Company e Matriuska Produccións, aterriza en San Sebastián tras o seu percorrido por múltiples certames nacionais e internacionais. Protagonizado por Denís Gómez (Pablo) e Violeta Gil (Andrea), o filme narra como un escultor establece o seu taller nunha apartada zona rural da costa galega. Aos poucos irá illándose da súa contorna, cortando todo contacto con amigos e familiares. Cando unha antiga amante acuda ao seu encontro provocará a reflexión do escultor sobre o seu desexo de illamento e a necesidade dunha nova fuxida.
