Hai unhas horas que se coñecen os traballos que competirán na vindeira edición dos Premios Goya. Entre as películas finalistas están o filme de ficción ‘Tres’, producido por Frida Films, e a película de animación ‘Valentina’, producida por Abano Producións.
‘Valentina’, película dirixida por Chelo Loureiro e producida por Abano Producións, é finalista na categoría de Mellor película de animación, na que compite con ‘Gora Automatikoa’, ‘Mironins’ e ‘Salvar el árbol’.
‘Tres’, filme dirixido por Juanjo Giménez e producido por Frida Films, acadou dúas nominacións nas categorías de Mellor guión orixinal e mellor son. No caso de Mellor guión orixinal, ‘Tres’ compite con ‘El buen patrón’, ‘Libertad’ e Maixabel’. E na categoría de Mellor son compite con ‘El Buen Patrón’, ‘Madres Paralelas’ e ‘Maixabel’.
A gala dos Premios Goya terá lugar o vindeiro 12 de febreiro en Valencia.
A lista completa de nominación pode consultarse aquí.