AGAPI recibe unha mención especial á traxectoria colectiva nos Pemios CREA 2025
CREA (Asociación de Profesionais da Dirección e Realización de Galicia) celebrou o pasado sábado a súa gala anual de Premios Crea no Riquela Club en Santiago de Compostela. Un evento que celebrou o talento do audiovisual galego rodeados de amigos, compañeiros, música e festa. Desde AGAPI Asociación Galega de Produtoras Independentes tivemos a honra de recibir pola súa parte unha mención especial á nosa traxectoria colectiva: máis de 30 anos desde a nosa fundación. Recoñecemento polo que estamos realmente agradecidos.
