AGAPI IMPULSA COPROS, o programa de asesoría personalizada de proxectos da Asociación de Produtoras Independentes, xa ten os 5 proxectos seleccionados desta 4ª edición. Jaione Camborda (Esnatu Zinema), Alberto Díaz (Mordisco Films), Alberto Domínguez (Tréboa), Olaia Ledo (NÓS Produtora Cinematográfica Galega) e Alfonso Zarauza (Maruxiña Film Company) serán os mentores nesta ocasión.
Un ano máis, aa recepción de candidaturas de participación foi elevada, cunha numerosa cantidade de propostas de todas as tipoloxías. Tras a reunión do comité de selección, conformado por Marta Eiriz (Danga Danga Audiovisuais), Rosa Taboada (Martela Films) e Simone Saibene (Noveolas Producciones), e unha difícil deliberación, obtívose como resultado a seguinte listaxe de proxectos:
· ALÚMINA (o mi madre y el vacío) | Manuel Lógar | Longametraxe documental
· Avión | Miguel Cavadas | Serie de ficción
· LOUXA | Cristina Yáñez | Longametraxe de ficción
· O idioma dos abanicos | Rebeca Tella | Longametraxe de ficción
· Son Soniños | Miguel Casaseca | Serie de animación
A axenda de mentorías comenzará a finais de xuño, chegando a unhas seis reunións (cada 15 días) nas que mentores e creadores abordarán temas como guión e orzamento, plan de financiamento e de rodaxe, ou preparación de dossier e videopitching. Ao longo dos tres meses de duración de AGAPI IMPULSA COPROS, os participantes disfrutarán tamén de diversos webinarios dedicados a varios temas relacionados co audiovisual. O primeiro deles terá lugar o 10 de xullo e versará arredor da protección dos dereitos de autoría.