A seguda tempada da serie ‘Hierro’ chegará a Movistar+ no mes de febreiro

A seguda tempada da serie ‘Hierro’ chegará a Movistar+ no mes de febreiro

A segunda tempada de “Hierro”, o thriller de investigación producido por Portocabo e protagonizado por Candela Pena, chegará a Movistar+ o próximo mes de febreiro cun novo caso para a xuíza Montes e a incorporación do actor hispano-sueco Matías Varela (“Narcos”).

Candela Pena e o arxentino Darío Grandinetti volverán á illa do Hierro para protagonizar a segunda tempada dunha serie, “Hierro”, cuxa primeira entrega obtivo o recoñecemento tanto da audiencia como da crítica, obtendo, entre outros, Premios Ondas (serie e actriz protagonista), Premios Iris ( guion) e Premios Feroz (drama e actriz protagonista).

Creada por Pepe Coira e dirixida por Jorge Coira, a serie contará nesta segunda tempada coa incorporación do recoñecido actor de Narcos Matías Valera, cuxo personaxe se verá implicado nun novo caso xudicial no que a xuíza Candela Montes (Pena) terá que investigar. O elenco complétase con Aina Clotet, Iris Díaz, Aroha Hafez, Ciro Mirou, Naira Lleó, Helena Sempere, Luifer Rodríguez, Enrique Alcides, Tania Santana, Maykol Hernández, Celia Castro e o actor galego Antonio Durán Morris.

Segundo o seu creador, “a segunda tempada de Hierro regresa a esa illa tan especial e á vida de Candela, unha xuíza incómoda, e de Díaz, un turbio empresario. Candela ha de ocuparse dun desagradable litixio pola custodia dunhas nenas da idade do seu fillo Nico e Díaz deberá resolver asuntos do pasado”. “Hierro” é unha serie orixinal de Movistar+ coproducida coa galega Portocabo, ARTE France e Atlantique Productions.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies