| Organizada pola Asociación Cultural Enfoques, responsable do festival de cinema internacional Play-Doc, VENTURA é unha nova plataforma para cineastas e produtores de todo o mundo que centran o seu labor na realización de películas independentes cunha forte visión artística. VENTURA desenvólvese ao longo do ano en tres etapas diferenciadas, dedicadas á formación profesional, ao desenvolvemento de proxectos e aos encontros de industria, combinando actividades en liña con actividades presenciais. Tras celebrar con éxito as súas dúas etapas iniciais reservadas aos proxectos nacionais –unha titoría e formación profesional en liña e unha residencia intensiva de escritura– VENTURA celebrará a súa etapa final: o mercado de coprodución internacional que terá lugar en Tui (Galicia, España) do 8 ao 9 de marzo de 2023. Nel terán lugar unha serie de encontros personalizados (one to one meetings) con representantes de produtoras, distribuidoras, fondos, mercados e festivais internacionais. Os 12 proxectos, que participan neste foro de coprodución foron seleccionados de entre 257 candidaturas e representan a 11 países (Arxentina, Colombia, Croacia, Eslovenia, España, Francia, Grecia, Italia, Portugal, Reino Unido e Serbia), son os seguintes: • A DAY IN THE LIFE OF JO. CHAPTER: PHAEDRA (Dirixe Jacqueline Lentzou e produce Andrea Queralt) • AS ESTAÇÕES (Dirixe Maureen Fazendeiro e producen Luís Urbano, Valentina Novati, Beli Martínez) • DESPUÉS DE NADA (Dirixe Carla Andrade e producen Pilar Monsell, Gonzalo E. Veloso) • EL ALUMBRE (Dirixe Alejandro Tarraf e produce Felipe Lage) • ELENA DIO A LUZ A UN HERMOSO NIÑO (Dirixen Chiara Marañón, Juan Soto Taborda e producen Luis Ferrón, Ricard Sales, Sandra Tabares Duque) • LA CASA EN LA FRONTERA (Dirixe e produce Andrés Duque) • LA CHAMBRE D’OMBRES (Dirixe Camilo Restrepo e produce Helen Olive) • MARE’S NEST (Dirixe Ben Rivers e produce Andrea Queralt, Ben Rivers) • MIL OURELAS (Dirixe Sebastián Uría e producen Olaia Ledo, Oliver Laxe) • MONTAÑA OU MORTE (Dirixe Pela del Álamo e producen Pela del Álamo, Felipe Lage) • SERENA (Dirixe Alessandro Comodin e producen Thomas Ordonneau, Tommaso Bertani) • U SENCI ROGOVA (Dirixe Ognjen Glavonić e producen Dragana Jovović, Stefan Ivančić) |
| Deste xeito súmanse aos proxectos españois participantes nas dúas primeiras fases os internacionais A DAY IN THE LIFE OF JO. CHAPTER: PHAEDRA, AS ESTAÇÕES, LA CHAMBRE D’OMBRES, MARE’S NEST, SERENA y U SENCI ROGOVA. Todos eles optarán ao premio VENTURA cun valor de 10.000€ en metálico, e a unha serie de premios en servizos a cargo de Cinemar Films, Cormorán VFX, Laboratorio Numax ou o seminario Doc’s Kingdom. Aos premios xa anunciados engádense tamén dous premios de distribución da man de Atalante, en España, e Filmgarten en Austria. Os premios serán outorgados por un xurado internacional que a organización dará a coñecer nos próximos días. |