‘Furada negra’ (Sétima) de Berio Molina premio ex aequo da sección oficial galega do Festival Play-Doc
O Festival Internacional de Cine Play-Doc pechou o pasado domingo a súa 22º edición que tivo ao cinema galego e portugués como protagonistas. O veredicto dos xurado da sección oficial galega reflexou a calidade das sección, outorgango o premio a mellor filme de xeito ex aequo para os filmes: ‘Furada Negra’ dirixido por Berio Molina e coproducido pola nosa asociada Sétima, e para ‘Crías’ de Xiana do Teixeiro.
“Unha picaraña, unha radial, incluso unha pistola. Estas memorias do inframundo comezan cun son seco, violento, como corresponde a todo acto de subtracción. Un só disparo esboroa en cuestión de segundos calquera sinfonía xeolóxica, os miles de anos necesarios para que as estalactitas e as estalagmitas se formen, centímetro a centímetro, nun sutil proceso de goteo. Do teito ao chan, unha translación milenaria de calcita. Un tour de force, a historia do planeta. Unhas furadas cantan suaviño, pero outras provocan arrepíos. Así, cun tremor na raíz da espiña dorsal, comezan estas memorias do inframundo.”
A curtametraxe de 22′ con guión de Alba Cid, está composta por material de arquivo anterior ao ano 1970 que o Clube Espeleolóxico Maúxo foi recopilando cos anos, de onde se colleron as imaxes e textos que conforman o libro O Tesouro Espeleolóxico Galego. Pero no caso do son non se tiña coñecemento de gravación algunha das covas galegas, e foi por iso que Berio Molina decidiu ir a recoller algunha delas e conformar ‘Furada Negra’.