Éxito de participación na II edición do Agapi Impulsa Copros

Éxito de participación na II edición do Agapi Impulsa Copros

A Asociación Galega de Produtoras Independentes (AGAPI) vén de pechar o prazo de participación e recepción de proxectos para a II Edición do AGAPI IMPULSA COPROS, un programa gratuito de asesoría personalizada para mellorar e orientar no seu financiamento proxectos de coprodución para cinema e televisión.

Foron un total de 23 proxectos recibidos, dos cales 5 serán os elixidos para formar parte do programa de mentoría.

O comité de preselección, formado nesta II edición por: Amalia Mato, de Recrea Films; Jaione Camborda, de Esnatu Zinema; e X.L. Ledo Andión, de Nós Produtora Cinematográfica Galega será o encargado de analizar e anunciar os proxectos seleccionados.

Este anuncio farase público a finais deste mes de abril. Nas vindeiras semanas tamén se darán a coñecer os nomes dos mentores que formarán parte desta II edición.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies