A produción independente española aposta por fortalecer a súa posición no ecosistema audiovisual
O sector aborda os retos da produción independente cunha visión estratéxica e de futuro. A situación actual presenta oportunidades na mellora dos incentivos fiscais, as sinerxías entre as diferentes Comunidades Autónomas e os novos desafíos que nos traen os marcos regulatorios e a IA.
Durante tres días, no marco da 30ª edición do Festival Internacional de Cine de Ourense (OUFF), as principais federacións e asociacións de produtores independentes analizaron no III Encontro de Produtoras Audiovisuais (PAP) o panorama actual e debateron posibles liñas de mellor para ICAA, RTVE e FORTA. Estas son as súas conclusións:
Sen dúbida, unha das preocupacións principais é a perda gradual de peso do produtor independente na negociación con televisións e plataformas, o que supón un reto para a sostenibilidade do modelo e a diversidade cultural que este sector garante.
O produtor debe ser recoñecido como unha peza clave e baluarte fundamental do sistema audiovisual, responsable non só de impulsar e desenvolver proxectos, senón tamén de garantir a súa viabilidade artística, cultural e económica. Sen a súa labor, as obras que conforman o patrimonio cinematográfico e audiovisual español non existirían.
En materia fiscal, o sector segue á espera de melloras nos incentivos fiscais aplicables no territorio de réxime común, co fin de aumentar o seu alcance e asegurar o seu correcto funcionamento.
Respecto ao proxecto da Lei do Cine e da Cultura Audiovisual, desde PAP constátase que a súa aprobación está paralizada e que, incluso no caso de que se reactivase, a lei xa nacería obsoleta, incapaz de responder á rapidez coa que evoluciona o sector audiovisual. As transformacións tecnolóxicas, industriais e culturais actuais demandan un marco normativo máis ambicioso e plenamente adaptado ás realidades contemporáneas.
Por último, a pesar dos desafíos, as produtoras independentes manteñen o seu compromiso de traballo coordinado e unido, defendendo un modelo audiovisual que sitúe a cultura e a creación no centro, e garante a pluralidade e diversidade que caracterizan ao sector.
SOBRE PAP
A Plataforma PAP, que representa a máis do 90% da produción independente española, está formada por máis de 700 empresas distribuidas por todo o territorio nacional e agrupadas nas seguintes entidades:
- AECINE: Asociación Estatal de Produtoras de Cine Independente.
- DIBOOS: Federación Española de Produtoras de Animación e Efectos Visuais.
- PIAF-MAPA: Federación territorial composta por 15 asociacións autonómicas, entre elas AGAPI, anfitriona do encontro.
- PROA: Federación de asociacións de produtoras estatais, con 7 entidades membro (5 sectoriais e 2 territoriais).
- PROFILM: Asociación de produtoras que prestan servizos a rodaxes internacionais en España.
