Logo da súa estrea mundial, o filme dirixido por Helena Girón e Samuel Delgado, ‘Eles transportan a morte’ vén de ser recoñecido co Premio á contribución técnica Mario Serandrei-Hotel Saturnia na Semana da Crítica de Venecia.
Esta película, producida por Filmika Galaika, contou no proceso de mestura de son coa empresa Cinemar Films.
O xurado, composto por Massimo Causo, Adriano De Grandis e Silvana Silvestri destacou “a capacidade de elaborar unha dimensión sonora inmersiva, na que se amplifica a tensión entre figuras e ambientes e dialoga profundamente coa investigación visual dos autores. Unha vintena de sons, ruídos e imaxes, que alimenta unha historia de misterios, vida e morte, desde a dimensión do mito ata a deriva existencial dos personaxes”.