‘El Hoyo’ de Galder Gaztelu-Urrutia, ‘La trincheira infinita’ de Jon Garaño, Aitor Arregi e José Mari Goenaga e ‘O que arde’ de Oliver Laxe serán os tres títulos que optarán a representar a España na próxima edición dos Óscar, a número 93, na categoría de Mellor Película Internacional. Así o anunciou a Academia das Artes e as Ciencias Cinematográficas de España este martes. Nunha situación normal, este anuncio teríase producido a finais de agosto, pero este ano, debido á pandemia, a carreira cara ós Óscar empezou tarde.

O actor Javier Rey realizou a lectura das tres películas preseleccionadas, acompañado polo presidente da Academia Mariano Barroso e o notario Federico Gayaralde Neno. O próximo 3 de novembro anunciarase o título que finalmente representará a España nos premios da Academia de Hollywood.