Estrea mundial de ‘Titanic Ocean’ (Frida Films) na sección Un Certain Regard do Festival de Cannes 2026
A película ‘Titanic Ocean’, da directora grega Konstantina Kotzamani, terá a súa estrea mundial na sección Un Certain Regard do 79º Festival de Cannes. Producida pola grega Homemade Films en coprodución con Wunderlust (Alemaña), deFilm (Romanía), Manny Films (Francia), a nosa produtora asociada de AGAPI Frida Films e os estudos xaponeses Happinet Phantom.
Este debut na longametraxe da guionista de ‘Arcadia’ (Yorgos Zois, 2024) ambiéntase no escintilante universo adolescente dun internado especial en Xapón que forma a rapazas para ser sereas profesionais. Alí, Akame, de 17 anos, atopará a súa voz de serea, descubrirá o primeiro amor e experimentará unha metamorfose. O filme conta ademais con Raphaël Vandebussche (‘Rodéo’, ‘Eat the Night’) como director de fotografía.