Falamos con Daniel Froiz, propietario de Matriuska Producciones, a produtora pontevedresa que desde 2008 aposta por unha filmografía de autor que traballa tanto na ficción como documental. Definir ou traballo dunha produtora nunca é sinxelo, pero en Matriuska Producións téñeno claro, apostan por un cinema independente a nivel temática, tamén máis “art house” que poida xerar un impacto nos festivais, pero que tamén funcione en billeteira, e sempre buscando dar máis visibilidade a cineastas galegos. 

Entre os seus traballos atópanse películas como “As Altas presións” de Ángel Santos, que 2014 tivo unha grande acollida nos festivais, sendo a gañadora na sección de Novas Olas no Festival de Sevilla. Na actualidade atópanse traballando en diferentes proxectos, un deles é  “Que fixemos mal?” a nova película de Liliana Torres, unha coprodución con Avalon que conta co apoio de TVE, Xunta de Galicia e TVG e que chegará ás salas a finais do 2020. Ademais, están a producir a primeira longametraxe de Álvaro Gago, que leva por título “Algo parecido á felicidade” e un documental de César Souto, “Míster Stevens”. A finais de novembro poderemos ver “A Media voz”, de Patricia Pérez e Heidi Hassan, unha coprodución con Cuba, Francia e Suíza.

Daniel Froiz é tamén socio fundador do festival Novos Cinemas, o festival internacional de cinema de Pontevedra que neste decembro celebra a súa cuarta edición, un festival que dá voz aos primeiros e segundos longos de cineastas galegos e internacionais. 

Preguntámoslle a Daniel Froiz sobre a situación actual do audiovisual galego: “A nivel creativo Galicia está a ser un referente a nivel internacional, e tamén a nivel de integración da mulleres no plano creativo e técnico. Ademais, Galicia ten un gran nivel non só no cinema de vangarda, senón tamén en contidos máis comerciais dentro da animación e as series”. Quizais un dos punto fortes é a boa relación entre os profesionais do sector, e é que en palabras de Daniel Froiz “a reciprocidade entre os produtores e os técnicos en Galicia ten moi bo equilibrio”.

Nun futuro incerto no que a demanda de contidos é cada vez maior e o espectador cambiou a súa forma de consumir cinema, en Matriuska Producións saben que a clave para seguir traballando é ser sustentables: “traballar con películas que sexan sustentables en si mesmas, non buscando ningún pelotazo, desenvolver e producir filmes que amemos e facelos coa xente coa que nos gusta traballar”.