Baixo o título, Cibersexismo. Violencia e Videoxogos, as xornadas céntranse desta volta nos eSports, un sector tradicionalmente asociado ao ocio masculino no que as mulleres veñen reclamando a súa voz como creadoras, xogadoras e comunicadoras. A edición decorrerá nos días 18 e 19 de novembro na Facultade de Ciencias da Comunicación da USC.
Organizada polo Grupo de Estudos Audiovisuais (GEA) e a Oficina de Igualdade de Xénero (OIX) da USC, esta edición do seminario conta fondos do Pacto de Estado contra a Violencia de Xénero (Ministerio da Presidencia, Relacións coas Cortes e Igualdade) e da Xunta de Galicia a través da convocatoria 2017 de axudas para a consolidación e estruturación de unidades de investigación competitivas.