O Festival Play-Doc acollerá catro producións de asociaciadas de AGAPI na súa sección oficial galega
Do 29 de abril ao 3 de maio terá lugar un ano máis na vila de Tui o Festival Internacional de Cine Play-Doc. Que acollerá na súa 22ª edición a proxección de catro producións de asociadas de AGAPI na súa sección oficial galega: ‘Fomos ficando sós’, ‘Despois das cidades’, ‘Furada Negra’ e ‘O corpo de Cristo’.
‘Fomos ficando sós’, ópera prima de Adrián Canoura e producida por Zeitun Films, terá a súa estrea galega no Play-Doc. Un filme documental que percorre a relación do do director galego co seu pai a través dunha viaxes marítima cara o Gran Sol.
Xacio Baño continúa co percorrido coa súa nova longametraxe, ‘Despois das cidades’ (Rebordelos). Unha apaixoante experiencia colectiva, en torno á cidade de Santiago de Compostela a través de cartas, textos, historias e perspectivas.
‘Furada Negra’, a nova curtametraxe de Berio Molina, con coprodución de Sétima, presenta un experimental percorrido espeleolóxico. Unha achega ao patrimonio cultural a través dun destacado tratamento do material de arquivo e do son.
Bea Lema chega a Tui coa súa multipremiada curtametraxe ‘O corpo de Cristo’ da nosa asociada Abano Producións. Un achegamento á saúde mental atravesado pola relixión, fiado cunha sensibilidade extraordinaria.
