Hoxe, venres 9 de decembro, chega ás salas de toda Galicia da man de Filmax a película ‘O corpo aberto’, producida por OlloVivo e dirixida por Ángeles Huerta. O filme protagonizado por Tamar Novas é unha coprodución entre as produtoras Fasten Films, OlloVivo e Cinemate.
SINOPSE
Ano 1909. Miguel, un novo profesor, é destinado a unha pequena e tétrica vila na fronteira entre España e Portugal, onde empeza a sentir unha fascinación especial por Dorinda, a muller de Turelo que ten unha relación extramatrimonial con Mauro. Cando unha xélida mañá Mauro aparece aforcado nunha cerdeira, o profesor empeza a sospeitar que a súa alma segue deambulando pola aldea en busca de vinganza.