O vindeiro venres día 28 de abril as 21:30h terá lugar a estrea mundial da longametraxe documental ‘Circo Nevada’ producida por Amanita Studio, produtora galega responsable de filmes como ‘Os días Afogados’, ‘Idénticas’, ambas gañadoras do mestre mateo ao mellor documental, ou a coproducción ‘Lúa Vermella’ estreada na Berlinale. Dirixida por Manuel Valcárcel director do documental ”Tempo’ e operador de cámara para series de éxito nacional e internacional como ‘La Unidad’ ou, máis recentemente, a longametraxe ‘Life is Live’, ‘Circo Nevada’ participará na sección a competición Galicia dentro do prestixioso Play Doc International Film Festival en Tui que se celebrará entre os días 26 de abril e 01 de Maio.
‘Circo Nevada’, que conta coa participación de Deputación de Lugo e o Concello de Monforte, é unha longametraxe documental que xira en torno as vivencias dos integrantes do Circo Nevada durante o tempo que quedaron en Monforte de Lemos, Lugo, polas restriccións de movilidade acordadas durante o estado de alarma decretado polo Goberno Español durante a pandemia da COVID-19. O filme fala sobre as súas emocións, e as dificultades de enfrentarse a unha situación cada vez máis angustiosa, sen poder volver as súas casas e sen poder realizar actuación algunha. Pouco a pouco vaise creando un microcosmos, fiel reflexo da sociedade na que vivimos , onde as clases sociais separáronse máis e máis a medida que avanzou a pandemia.
A estrea supón o pistolezado de saída a unha distribucción que terá un percorrido multiplataforma que levará a película a viaxar por diversos festivais de cinema, concellos galegos e salas de cine. En palabras do produtor do filme Iván Patiño “A estrea en Play Doc supón comezar da mellor maneira posible a distribución do filme. Play Doc é un dos mellores festivais de documentais que existen en España e competir na sección oficial da boa conta de que a película desperta un grande interese”