Arrinca a 71º edición da Berlinale. Do 1 ao 5 de marzo, a través dunha proposta en liña, desenvolverase o evento de industria, o European Film Market, así como as iniciativas Berlinale Co- Production Market, Berlinale Talents e o World Cinema Fund. Tamén se presentarán as películas de Sección Oficial (Competición, Special, Panorama, Forum e Forum Expanded), Berlinale Shorts, Encounters e Generation, e os xurados anunciarán os gañadores.
En Panorama atopamos a única outra representante española, ‘Miguel’s War’, coprodución da produtora galega Zeitun Films xunto a Kabinett Film (Alemaña) e ITAR Productions (Líbano), sendo esta última a produtora principal. Eliane Raheb realiza este documental no que Miguel, un home homosexual que, tras fuxir hai 37 anos da guerra e a represión no Líbano cara á hedonista Madrid da era posfranquista, regresa ao seu país de orixe xunto a Raheb para afrontar os seus conflitos internos e seguir o rastro de desexos moi ocultos, o amor non correspondido e sentimentos atormentadores de culpa.