O filme ‘𝗟𝘂́𝗮 𝗩𝗲𝗿𝗺𝗲𝗹𝗹𝗮 (𝗥𝗲𝗱 𝗠𝗼𝗼𝗻 𝗧𝗶𝗱𝗲)’, dirixida por Lois Patiño e producida por Zeitun Films vén de gañar o Premio Especial do Xurado no Festival de Cine da La Serena de Chile.
En ‘Lúa vermella’, o cineasta galego Lois Patiño afonda no universo retratado na súa ópera prima, ‘Costa da Morte’. O filme sitúase nunha vila da costa galega onde o tempo parece deterse. Todas as persoas están paralizadas, aínda que se poden oír as súas voces, que falan de pantasmas, de bruxas e de monstros. Ao lugar chegan tres mulleres buscando o Rubio, un mariñeiro do lugar que desapareceu no mar.