Gaña a túa sorte

2017 - actualidade - Rematado
TV

Asociado: Tex45 Producións
Formato: S/N
Duración: 30
Idioma: Galego
Venta int.: No

SINOPSE

Concurso diario para toda a familia no que a diversión e o entretemento están asegurados. Competición que mestura o xogo de preguntas e o de azar. Cunha duración diaria de 30 minutos, na tarefa de presentación Javier Varela contará amais coa axuda do simpático Don Pepiño. GAÑA A TÚA SORTE é un programa da TVG, producido por Tex 45 sobre unha idea orixinal de Europroducciones TV.

Presentado por Javier Varela, en cada edición haberá unha parella de concursantes que deberá responder a 10 preguntas sobre música, curiosidades, gastronomía, cultura xeral ou de Galicia. GAÑA A TÚA SORTE consiste nun gran panel con 12 pantallas baixo as que se agocha un bote, o galardón de maior importancia, e os restantes premios. O peor deles é Don Cachelo, a mascota do programa, unha pataca do país á que non quererán atopar como premio final.

Máis de 600 galegos presentáronse á proba de selección deste programa que, cada día, discorre en tres fases. Tras superar as primeiras cinco preguntas, os concursantes terán a posibilidade de reservar unha pantalla da súa elección, coa que negociarán ao final do espazo e disputarán unha poxa económica co presentador, para decidir se quedan coa cantidade económica que este lles ofrece ou se, tras rexeitala, levan o galardón que agoche o luminoso escollido ao principio.