A película ‘Miguel’s war’ (‘A guerra de Miguel’), dirixida por Eliane Raheb e coproducida polas empresas Zeitun films (Galicia), ITAR productions (Líbano) e Kabinett film (Alemaña), estrearase en España no Festival de Cine de Sevilla.
Despois da súa estrea internacional na Berlinale na que acadou o Premio Teddy, a película poderá verse en España o vindeiro mes de novembro dentro da programación do Festival de cine europeo de Sevilla que terá lugar nesta cidade dos días 6 ao 14.
‘Miguel’s war’ (‘A guerra de Miguel’) é un documental de Eliane Raheb que explora diferentes formas narrativas para retratar a historia dun home gai libanés que fuxiu do seu país nos oitenta tentando atopar a liberdade en España.