AGAPI renova a súa Xunta Directiva para os vindeiros dous anos

AGAPI renova a súa Xunta Directiva para os vindeiros dous anos

Agapi (Asociación Galega de Produtoras Independentes) acorda por unanimidade renovar a súa Xunta Directiva por un período de dous anos, tal e como establecen os Estatutos.

Felipe Lage Coro, de Zeitun Films, será o novo presidente da Asociación neste período, ao que acompañará como vicepresidente, X.Lois Ledo de Nós Produtora Cinematográfica Galega. O cargo de secretaria seguirá en mans de Luisa Romeo de Frida Films e a tesourería pasa a incorporar a Andrea Vázquez de Miramemira. Continúan como vogais Ignacio Vilar de Vía Láctea Filmes, J.Antonio Velo de Ástrágalo Studio e Manolo López de Tex45. Incorpóranse ao equipo Dolores Ben de Cinemar Films e Daniel Froiz de Matriuska.

A nova Xunta Directiva asume o cargo con ilusión e compromiso de traballo a prol do audiovisual galego como se leva facendo desde a constitución de Agapi no ano 1994 e fai un chamamento a todas as produtoras independentes a unirse a este proxecto común.

Composición da nova Xunta Directiva Agapi 2019 – 2021:
Presidente: Felipe Lage Coro (Zeitun Films, A Coruña)
Vicepresidente: X.Lois Ledo (Nós Produtora Cinematográfica Galega, Santiago)
Secretaria: Luisa Romeo (Frida Films, Santiago)
Tesoureira: Andrea Vázquez (Miramemira, Santiago)
Vogais:
Ignacio Vilar (Vía Láctea Filmes, Vigo)
Manolo López Cernadas (Tex 45, Ordes)
J.Antonio Velo (Astrágalo Studio, Ourense)
Dolores Ben (Cinemar, Santiago)
Daniel Froiz (Matriuska, Pontevedra)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies