‘Detrás da pantalla. Como se fai o que vemos?’ chega aos centros escolares da man de AGAPI e a Deputación da Coruña
AGAPI (Asociación Galega de Produtoras Independentes) arranca un ano máis a actividade formativa por centros de ensino da provincia da Coruña. Traballando nesta ocasión co alumnado de 6º de primaria a través das xornadas educativas ‘Detrás da pantalla. Como se fai o que vemos?’ que contan co apoio da Deputación da Coruña.
O obxectivo é achegar de primeira man as experiencias e coñecemento dos profesionais do sector audiovisual galego aos diferentes Centros de Educación Infantil e Primaria (CEIP) da provincia co fin de potenciar o papel da produción independente en galego en contacto directo coa mocidade.
Esta primeira edición percorrerá seis centros escolares, arrancando o mércores 8 de abril no CEIP Felipe de Castro (Noia) con Iria Iglesias da nosa productora asociada Aqueladas. O venres 10 Alba Prol, de Meteórica Cinema visitará o CEIP A Maía (Ames) e Simone Saibene de Noveolas Producciones o CEIP Plurilingüe Mestre Rodríguez Xixirei (Sabugueiro). A actividade continuará o venres 24 de abril na cidade da Coruña, onde o noso produtor asociado Andrés Sanjurjo, de Acariño Films, traballará co alumnado co CEIP Plurilingüe José Cornide Saavedra. No mesmo día, en Santiago de Compostela, o CEIP Lamas de Abade recibirá a Gael Herrera de Tamboura Films. As xornadas ‘Detrás da pantalla. Como se vai o que vemos?’ finalizarán o martes 28 no CEIP de Arteixo coa nosa asociada Laura Pazienza da produtora H501.