Chega a Galicia “Nación”, a última película de Margarita Ledo

Chega a Galicia “Nación”, a última película de Margarita Ledo

Nós, Produtora Cinematográfica Galega acaba de estrear no Festival de Cinema Europeo de Sevilla a última película de Margarita Ledo, “Nación”, unha longametraxe de non ficción que retrata a loita obreira da mulleres, e faio a través da historia dun grupo traballadoras da fábrica de cerámica “A Pontesa”. En palabras da directora é “unha película que trata do moito que tardamos as mulleres en ter dereitos, non só en votar senón en acceder ao traballo asalariado e á posibilidade de ser independentes. En resumo, o moito que nos custou ser Nación”.

En Galicia a primeira proxección de “Nación” será en Santiago de Compostela o vindeiro mércores 18 de novembro ás 20:00 horas no Teatro Principal e o xoves 19 de novembro ás 18:00 horas no Cinema NUMAX. Ambas as proxeccións forman parte da programación da 34º edición de Cineuropa que este ano entrega o Premio Cineuropa 2020 precisamente á directora do filme, Margarita Ledo. Un premio honorífico co que se quere homenaxear así á directora pola súa traxectoria cinematográfica e como referente clave do cinema galego. Ademais, a película terá un percorrido institucional e a finais de mes estará no Festival Márgenes de Madrid. Desde a produtora esperan estrear en salas en marzo do 2021, ao redor do día 8 coincidindo co Día Internacional da Muller.

A principios deste ano terminaron para a TVG “ Desertores do Asfalto”, unha miniserie sen data de estrea confirmada, que foi rodada en 13 localidades diferentes e que busca dar voz ao rural galego a través das historias de trece personaxes diferentes. Ademais, o pasado agosto estreouse o documental “Moncho Reboiras acción de corazón”, proxecto no que participou como
asesor da Fundación Bautista Álvarez. A cinta conta a vida de Xosé Ramón Reboiras Noia, última vítima mortal da ditadura franquista en Galicia.

Desde Nós afírmannos o Covid-19 non trouxo nada positivo, o impacto económico foi grande. Por unha banda obrigou a atrasar a postprodución de “Nación”, co custo que isto implica, e por outra, a pandemia impediulles asistir ao Festival de Cinema Europeo de Sevilla, “xa non é só o gasto que tivemos adiantar polo desprazamento do equipo, viaxes, hoteis…senón tamén o custe
emocional, todo o equipo estaba moi ilusionado e ao final non puidemos ir”.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies