A Fundación Araguaney e a Axencia Española de Cooperación Internacional para o Desenvolvemento (AECID) organizan a formulación dun novo proxecto vinculado coas industrias culturais e o sector audiovisual.
O proxecto MASAR Ao AMAL (do árabe “camiño de esperanza”) nace coa intención de converterse nun laboratorio de guion cun obxectivo claro: a tutorización de participantes seleccionados na creación de guións de curtametraxes e longametraxes de ficción e documental e o fomento da produción de proxectos audiovisuais no mundo árabe. Esta acción de cooperación preséntase como acicate para fortalecer as liñas de traballo xa preexistentes, que desenvolve actualmente a AECID a través do Programa MASAR.
O taller ten lugar durante os días 24 e 25 de marzo no Edificio Fontán da Cidade da Cultura. Unha das partes deste proxecto é a presentación de casos de estudo con Laboratorios xa existentes. Nestas presentacións participa Uxía Caride, xerente de Agapi, co proxecto Agapi Impulsa Copros.
A programación completa do taller pode consultarse aquí
